Поўная версія

Лукашэнка прыме ўдзел ва ўрачыстым адкрыцці завода "БелДжы" пад Барысавам

Прэзідэнт 17.11.2017 | 13:17
На заводзе "БелДжы"
На заводзе "БелДжы"

17 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка зробіць сёння рабочую паездку ў Мінскую вобласць, паведамілі БЕЛТА ў прэс-службе беларускага лідара.

Кіраўнік дзяржавы наведае завод СЗАТ "БелДжы" і прыме ўдзел у яго ўрачыстым адкрыцці. На цырымоніі будуць прысутнічаць шэраг службовых асоб краіны, кіраўніцтва завода і буйнейшых кітайскіх кампаній.

Прэзідэнту даложаць аб сацыяльна-эканамічным развіцці рэгіёна, выкананні яго даручэнняў па арганізацыі вытворчасці па зборцы легкавых аўтамабіляў, арганізацыйна-тэхналагічнай структуры СЗАТ "БелДжы", вытворчым, фінансава-эканамічным стане і перспектывах развіцця прадпрыемства.

Аляксандр Лукашэнка таксама азнаёміцца з сучаснымі тэхналагічнымі працэсамі зваркі, зборкі і фарбавання аўтамабіляў, выстаўкай выпускаемых і плануемых да вытворчасці мадэлей.

У адпаведнасці з указам нумар 35 ад 16 студзеня 2014 года паміж СЗАТ "БелДжы" і кітайскай карпарацыяй CITIC Construction быў падпісаны кантракт аб будаўніцтве завода легкавых аўтамабіляў на тэрыторыі Барысаўскага раёна.

Для кампаніі Geely гэта быў першы праект будаўніцтва завода поўнага цыкла за мяжой, а для кампаніі CITIC Construction - першы буйны аб'ект у галіне аўтамабілебудавання. Практычна за 2,5 года быў пабудаваны завод магутнасцю 60 тыс. аўтамабіляў у год. І калі на старой пляцоўцы ў Барысаве гэта была тэхналогія буйнавузлавой зборкі з невялікай колькасцю аперацый, то сёння беларускія спецыялісты асвоілі тэхналогію зваркі кузава, яго афарбоўкі і зборкі аўтамабіля.

Уся інфраструктура завода можа забяспечыць выпуск да 120 тыс. аўтамабіляў у год. З улікам гэтага магчыма пашырэнне вытворчых плошчаў ад дзеючых у два разы. Наяўнасць існуючай інфраструктуры і рэзервовых плошчаў на тэрыторыі прадпрыемства таксама дазваляе арганізаваць новыя вытворчасці.-0-

Навіны рубрыкі Прэзідэнт
Зельфіра Трэгулава. Фота з архіва ТАСС Гендырэктар Траццякоўскай галерэі Зельфіра Трэгулава ўзнагароджана ордэнам Францыска Скарыны
Учора 19:05
Лукашэнка ўзнагародзіў Кадырава ордэнам Дружбы народаў
Учора 18:55
Службовыя асобы прыцягнуты да адказнасці за невыкананне даручэнняў Прэзідэнта Беларусі
Учора 17:21
Аляксандр Васільеў назначаны начальнікам УУС Гомельскага аблвыканкама
15 жнівеня, 19:55
З рэзервовага фонду Прэзідэнта Беларусі выдзеляць Br77 млн на падрыхтоўку да ІІ Еўрапейскіх гульняў
15 жнівеня, 19:39
Лукашэнка накіраваў спачуванне родным і блізкім народнага артыста Беларусі Мікалая Кірычэнкі
15 жнівеня, 17:34
Аляксандр Лукашэнка Адстаўкі, прэзідэнцкая крытыка і асаблівы рэжым - вынікі рэзананснай нарады ў Оршы
15 жнівеня, 10:39
Лукашэнка: Беларусь і Рэспубліка Карэя ўзаемна зацікаўлены ў нарошчванні супрацоўніцтва
15 жнівеня, 09:39
Лукашэнка: беларуска-індыйскія адносіны будуць і ў далейшым паступальна пашырацца
15 жнівеня, 09:21
Поўная версія