28 красавіка, Жыткавічы /Уладзімір Мацвееў - БЕЛТА/. Прэзідэнт Беларусі Аляксандр Лукашэнка праводзіць нараду з кіраўніцтвам Жыткавіцкага райвыканкама і прадпрыемстваў раёна, перадае карэспандэнт БЕЛТА.
Кіраўнік дзяржавы адзначыў, што прыехаў у Жыткавіцкі раён, паколькі гэтаму і падобным раёнам, аддаленым ад сталіцы і абласных цэнтраў, як правіла, удзяляецца менш увагі. "У нашых абласных кіраўнікоў ёсць прывычка таптацца на месцы, вакол абласнога цэнтра. На жаль, так бывае. Ва ўсіх абласцях такі недахоп я заўважаю", - сказаў ён.
"У вас рэдкі выпадак таго, каб непасрэдна выказаць свае нараканні, перш за ўсё сказаць аб недахопах, якія ёсць у нас у кіраўніцтве на розных узроўнях", - адзначыў Аляксандр Лукашэнка. "Я разлічваю на шчырую размову", - падкрэсліў ён.
У пачатку нарады Аляксандр Лукашэнка адзначыў, што за мінулыя гады ў Жыткавіцкім раёне многае зроблена, аднак указаў і на шэраг сур'ёзных недаглядаў і забюракратызаванасць асобных пытанняў. "Я лічу, што людзі, якія тут жывуць, больш заслужылі ад дзяржавы. Але гэта не значыць, што не будзе строгага запатрабавання за вынікі працы", - сказаў Прэзідэнт.-0-
