5 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў народнага артыста Беларусі Ігара Алоўнікава з днём нараджэння. Аб гэтым БЕЛТА паведамілі ў прэс-службе кіраўніка дзяржавы.
"Ваша творчая дзейнасць, якая прайшла выпрабаванне часам і прадаўжае служыць эталонам прафесійнага майстэрства, стала культурным здабыткам Беларусі. Вы ўносіце важкі ўклад у развіццё лепшых традыцый акадэмічнага мастацтва, садзейнічаеце папулярызацыі нашай музыкі не толькі ў краіне, але і за яе межамі", - гаворыцца ў віншаванні.
Прэзідэнт адзначыў, што плённая праца народнага артыста па выхаванні таленавітай моладзі заслугоўвае слоў шчырай удзячнасці. "Упэўнены, ваш яркі талент яшчэ доўгія гады будзе запатрабаваным, а самаадданае служэнне нацыянальнай культуры - прыкладам для многіх пакаленняў", - падкрэсліў кіраўнік дзяржавы.
Аляксандр Лукашэнка пажадаў Ігару Алоўнікаву шчасця, здароўя, невычэрпнага натхнення і новых дасягненняў.-0-
