15 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Янаша Адэра з перавыбраннем на пасаду Прэзідэнта Венгрыі. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы пацвердзіў зацікаўленасць Беларусі ў далейшым паглыбленні двухбаковых адносін, заснаваных на ўзаемаразуменні і павазе.
"Упэўнены, што сумеснымі намаганнямі мы зможам значна актывізаваць міждзяржаўныя палітычныя кантакты, гандлёва-эканамічнае, гуманітарнае і культурнае супрацоўніцтва на карысць народаў нашых краін", - гаворыцца ў віншаванні.-0-
