Поўная версія

Лукашэнка павіншаваў Беларускі саюз ветэранаў вайны ў Афганістане з 25-годдзем з дня ўтварэння

Прэзідэнт 13.03.2018 | 09:43

13 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Беларускі саюз ветэранаў вайны ў Афганістане з 25-годдзем з дня ўтварэння. Аб гэтым БЕЛТА паведамілі ў прэс-службе кіраўніка дзяржавы.

"Шмат гадоў у гарачай кропцы планеты савецкія ваеннаслужачыя паказвалі сапраўдны прыклад вернасці і служэння Радзіме. Перажыўшы суровыя выпрабаванні, былыя аднапалчане аб'ядналіся для захавання памяці аб мужнасці і гераізме нашых воінаў, узаемнай дапамогі і падтрымкі", - гаворыцца ў віншаванні.

Прэзідэнт адзначыў, што вось ужо чвэрць стагоддзя Беларускі саюз ветэранаў вайны ў Афганістане не дае забыць боль страшэнных страт, нагадвае аб няўстойлівасці і каштоўнасці міру.

"Вашы з'яднанасць, сіла і ўпэўненасць варты пераймання. Маючы заслужаны аўтарытэт, вы ўносіце значны ўклад у захаванне адзінства і згоды ў грамадстве, выхаванне маладога пакалення, па праву лічыцеся пераемнікамі баявой славы ветэранаў Вялікай Айчыннай вайны", - падкрэсліў Аляксандр Лукашэнка.-0-

Навіны рубрыкі Прэзідэнт
Поўная версія