Сцяг Пятніца, 29 сакавіка 2024
Усе навіны
Усе навіны
Прэзідэнт
17 ліпеня 2018, 17:47

Лукашэнка накіраваў спачуванне Прэзідэнту Грузіі ў сувязі з трагедыяй на шахце "Міндэлі"

17 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў спачуванне Прэзідэнту Грузіі Георгію Маргвелашвілі ў сувязі з трагічнай гібеллю людзей на шахце "Міндэлі". Аб гэтым БЕЛТА паведамілі ў прэс-службе беларускага лідара.

Кіраўнік дзяржавы падкрэсліў, што ў Беларусі падзяляюць пачуццё глыбокага смутку. Ад імя беларускага народа і сябе асабіста Аляксандр Лукашэнка выказаў шчырыя спачуванні сем'ям загінулых шахцёраў, пажадаў хутчэйшага выздараўлення ўсім пацярпелым.

На шахце "Міндэлі" ў грузінскім горадзе Ткібулі 16 ліпеня здарылася трагедыя: чатыры чалавекі загінулі і шасцёра пацярпелі. Паводле папярэдняй версіі следства, у адным з тунэляў шахты адбыўся выбух метану, з-за чаго дэфармаваліся сцены і абвалілася столь. Прэм'ер-міністр Грузіі Мамука Бахтадзэ аб'явіў 16 ліпеня днём жалобы.-0-

Падпісвайцеся на нас у
Twitter
Топ-навіны
Свежыя навіны Беларусі