28 красавіка, Жыткавічы /Уладзімір Мацвееў - БЕЛТА/. Прэзідэнт Беларусі Аляксандр Лукашэнка сёння пасля завяршэння нарады ў Жыткавіцкім райвыканкаме, дзе падрабязна разглядаліся пытанні сацыяльна-эканамічнага развіцця раёна, вырашыў асабіста азнаёміцца з добраўпарадкаваннем горада, перадае карэспандэнт БЕЛТА.
Кіраўнік дзяржавы прагуляўся па цэнтральнай частцы Жыткавіч і цёпла пагутарыў з мясцовымі жыхарамі. Даволі працяглы час ён затрымаўся каля будынка сярэдняй школы, адзначыўшы вельмі добры вынік у частцы добраўпарадкавання як самога будынка, так і тэрыторыі вакол яго.
Як паведамлялася, на нарадзе ў райвыканкаме Аляксандр Лукашэнка прывёў навядзенне парадку ў Жыткавічах у якасці прыкладу для Петрыкава. Ён даручыў на працягу года выканаць аналагічныя работы і ў гэтым раённым цэнтры.
У Жыткавічах Аляксандр Лукашэнка таксама наведаў райагратэхсэрвіс, дзе яму далажылі аб перспектывах развіцця прадпрыемства, стварэнні новых рабочых месц і мерах па павышэнні канкурэнтаздольнасці. "Трэба акуратна працаваць па цане. І ў людзей павінна быць дастойная зарплата. Тады яны будуць трымацца гэтай работы. І трэба глядзець на сабекошт, асабліва зімой - ацяпленне і іншае", - адзначыў кіраўнік дзяржавы.
Прэзідэнт таксама агледзеў вытворчыя памяшканні, дзе рамантуецца тэхніка і навясное абсталяванне.-0-