30 красавіка, Касцюковічы /Кар. БЕЛТА/. Прэзідэнт Беларусі Аляксандр Лукашэнка анансаваў сур'ёзную размову аб рэалізацыі праграмы развіцця паўднёвага ўсходу Магілёўскай вобласці. Аб гэтым ён заявіў у час рабочай паездкі ў Касцюковіцкі раён Магілёўскай вобласці, перадае карэспандэнт БЕЛТА.
Кіраўнік дзяржавы даручыў на канец ліпеня - пачатак жніўня запланаваць у рэгіёне адпаведную нараду.
Пасля прылёту ў Касцюковічы Аляксандр Лукашэнка перш за ўсё пацікавіўся, як выканана праграма па развіцці паўднёва-ўсходняга рэгіёна вобласці. Старшыня Магілёўскага аблвыканкама Анатоль Ісачанка далажыў, што праграма ў цэлым спрацавала.
На нарадзе, якую даручыў запланаваць Прэзідэнт, плануецца заслухаць справаздачу кіраўніка рэгіёна і паўднёва-ўсходніх раёнаў. "Сур'ёзная будзе размова", - папярэдзіў беларускі лідар.
"Ну а потым паглядзім усходнюю частку Гомельскай вобласці", - дадаў ён.-0-