24 верасня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка па выніках беларуска-расійскіх перагавораў у Сочы заявіў, што ў пытанні магчымасці рэфінансавання $1 млрд доўгу па лініі двухбаковага супрацоўніцтва адчужэння з расійскага боку не было, перадае карэспандэнт БЕЛТА.
"Мы абмяркоўвалі пытанне аб рэфінансаванні доўгу ў памеры $1 млрд. І тут адчужэння не было ніякага", - заявіў кіраўнік дзяржавы.
Як паведамлялася, Аляксандр Лукашэнка таксама заявіў, што Беларусь у бліжэйшы час атрымае шосты транш у памеры $200 млн ад двухмільярднага крэдыту па лініі Еўразійскага фонду стабілізацыі і развіцця. "Мы атрымалі пяць траншаў. Застаўся шосты і сёмы. Я не бачу ніякіх праблем з выдзяленнем шостага траншу, і, як было заяўлена, можна вырашыць пытанне па сёмым траншы. Усё залежыць ад таго, як перш за ўсё беларускі бок у гэтым напрамку будзе працаваць. Думаю, што гэта вырашальнае пытанне", - адзначыў кіраўнік беларускай дзяржавы.-0-