Поўная версія

Дзяржава заўсёды будзе падтрымліваць адораных і творчых асоб - Прэзідэнт

Прэзідэнт 21.04.2017 | 13:33

21 красавіка, Мінск /Кар. БЕЛТА/. Дзяржава заўсёды будзе падтрымліваць адораных і творчых асоб. Аб гэтым Прэзідэнт Беларусі Аляксандр Лукашэнка заявіў сёння ў Пасланні беларускаму народу і Нацыянальнаму сходу, перадае карэспандэнт БЕЛТА.

"Мы заўсёды будзем падтрымліваць адораных і творчых асоб. Асабліва тых, хто сваімі работамі натхняе мільёны людзей, праслаўляе нашу краіну", - сказаў кіраўнік дзяржавы.

Прэзідэнт адзначыў, што ўжо гаварыў аб гэтым пры разглядзе прадстаўленых да прысваення высокіх дзяржаўных узнагарод і дзяржаўных прэмій кандыдатур. "Няпраўда, што ў нас няма грошай на падтрымку таленавітых людзей. Скажу сумленна, можа, гэта камусьці не спадабаецца: талентаў не хапае, якім трэба заплаціць. Давайце гэтых людзей, мы будзем іх падтрымліваць, але толькі таленавітых. Таленавіты - пакладзі на стол рэзультат, атрымай і грошы, і прызнанне. Так павінна быць заўсёды. Для таленавітага чалавека грошы не галоўнае. Гэта важна, але не галоўнае. Яму патрэбна прызнанне, павага, яго павінны ведаць у грамадстве. Але чаму толькі з падачы Прэзідэнта мы пачынаем раскручваць нашы таленты і высокія дасягненні?" - задаў пытанне кіраўнік дзяржавы.

У беларускага народа цудоўная літаратура, музыка, жывапіс, архітэктура, якія жывяць і якія дастойны захаплення. "Нам дарагая наша выразная мова, якую трэба берагчы, вывучаць і развіваць. Нам пакінута ў спадчыну гераічная гісторыя, якую неабходна памятаць і напаўняць новымі здзяйсненнямі, каб з годнасцю перадаць будучым пакаленням беларусаў. Гэта каштоўныя складнікі, якія даюць магчымасць не згубіцца сярод мноства нацый і народнасцей, адчуваць сябе адзінай самабытнай сям'ёй, цаніць сваю свабоду і незалежнасць", - падкрэсліў Аляксандр Лукашэнка.-0-

Навіны рубрыкі Прэзідэнт
Аляксандр Худалееў назначаны першым намеснікам міністра па надзвычайных сітуацыях
Учора 19:29
Сяргей Жылінскі назначаны начальнікам Інстытута пагранічнай службы
Учора 19:03
Лукашэнка павіншаваў з днём нараджэння Мітрапаліта Мінскага і Заслаўскага Паўла
Учора 11:42
Абнародаваны вытрымкі з пісьма Лукашэнкі Прэзідэнту МАК
Учора 10:22
Лукашэнка накіраваў спачуванні Прэзідэнту Ірана ў сувязі з крушэннем пасажырскага самалёта
18 лютага, 17:44
Мінск застанецца перагаворнай пляцоўкай па ўрэгуляванні канфлікту ва Украіне - Лукашэнка
18 лютага, 15:09
Аляксандр Лукашэнка Беларусь вельмі зацікаўлена ў хутчэйшым вырашэнні канфлікту ва Украіне - Лукашэнка
18 лютага, 14:38
Лукашэнка: беларускія міратворцы гатовы стаць паміж канфліктуючымі бакамі ва Украіне пры дамоўленасці паміж Парашэнкам і Пуціным
18 лютага, 14:22
Лукашэнка аб судзействе ў адносінах да Кушніра: выкінулі галоўнага канкурэнта з фіналу
18 лютага, 13:48
Поўная версія