13 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў цёплыя і сардэчныя віншаванні суайчынніцам з Днём маці. Аб гэтым БЕЛТА паведамілі ў прэс-службе кіраўніка дзяржавы.
"З першых дзён жыцця мы захоўваем у душы, як святыню, памяць аб бацькоўскім доме і дзяцінстве. І ўсё гэта звязана з імем Маці - першым настаўнікам, мудрым дарадчыкам і самым адданым сябрам. Ваша абсалютная любоў - галоўная абарона і аснова дабрабыту сем'яў, а значыць, і ўсёй краіны", - гаворыцца ў віншаванні.
Аляксандр Лукашэнка адзначыў, што толькі жанчыны ведаюць, колькі сіл забіраюць штодзённыя мацярынскія клопаты і перажыванні. З вялікай годнасцю, незвычайнай цярплівасцю і самааддачай яны прысвячаюць сябе гэтаму вялікаму прызначэнню.
"Падтрымка шматдзетных бацькоў, жанчын - захавальніц сямейнага ачага - заўсёды будзе сярод галоўных прыярытэтаў дзяржаўнай палітыкі, - падкрэсліў Прэзідэнт. - Дзякуй вам за сучаснае і будучае роднай Беларусі, якое мы бачым у нашых дзецях. Няхай яны заўсёды будуць здаровыя і саграваюць любячыя мацярынскія сэрцы сваімі шчаслівымі ўсмешкамі".
Віншаванне Прэзідэнта Беларусі з Днём маці
Дарагія суайчынніцы!
Прыміце самыя цёплыя і сардэчныя віншаванні з Днём маці.
З першых дзён жыцця мы захоўваем у душы, як святыню, памяць аб бацькоўскім доме і дзяцінстве. І ўсё гэта звязана з імем Маці - першым настаўнікам, мудрым дарадчыкам і самым адданым сябрам.
Ваша абсалютная любоў - галоўная абарона і аснова дабрабыту сем'яў, а значыць, і ўсёй краіны. Толькі вы ведаеце, колькі сіл забіраюць штодзённыя мацярынскія клопаты і перажыванні. І з вялікай годнасцю, незвычайнай цярплівасцю і самааддачай прысвячаеце сябе гэтаму вялікаму прызначэнню.
Падтрымка шматдзетных бацькоў, жанчын - захавальніц сямейнага ачага - заўсёды будзе сярод галоўных прыярытэтаў дзяржаўнай палітыкі.
Дзякуй вам за сучаснае і будучае роднай Беларусі, якое мы бачым у нашых дзецях.
Няхай яны заўсёды будуць здаровыя і саграваюць любячыя мацярынскія сэрцы сваімі шчаслівымі ўсмешкамі.
Аляксандр Лукашэнка.-0-
