Поўная версія

Беларускія мытнікі ў 2017 годзе спынілі 50 спроб увозу наркотыкаў, у тым ліку два выпадкі з 348 кг гашышу

Прэзідэнт 22.09.2017 | 15:56

22 верасня, Мінск /Уладзімір Мацвееў - БЕЛТА/. Беларускія мытнікі ў 2017 годзе спынілі 50 спроб увозу наркотыкаў, у тым ліку два выпадкі з 348 кг гашышу. Аб гэтых фактах расказаў журналістам па выніках даклада Прэзідэнту Беларусі Аляксандру Лукашэнку старшыня Дзяржаўнага мытнага камітэта Юрый Сянько, перадае карэспандэнт БЕЛТА.

"За бягучы год мытнай службай спынена 50 спроб перамяшчэння праз нашу граніцу ў бок Беларусі і Расіі наркатычных прэпаратаў", - заявіў кіраўнік ДМК.

У час рабочай сустрэчы кіраўнік дзяржавы асобна акцэнтаваў увагу на тэме прадухілення правозу праз граніцу забароненых тавараў. "Асабліва небяспечных, дапусцім, псіхатропных рэчываў, наркотыкаў, зброі, радыеактыўных рэчываў. Як мы даводзім гэта да нашых партнёраў на Захадзе? - пацікавіўся беларускі лідар. - Мы тут ловім, затрымліваем. Як яны на гэта рэагуюць? Ці бачаць яны нашу ролю ў гэтай справе?"

"Узбуджаны 163 крымінальныя справы. З іх 50 па лініі наркотыкаў і псіхатропных рэчываў. Гэта тая праблема, на якую звярнуў увагу кіраўнік дзяржавы. Сапраўды, вельмі сур'ёзная для нашай краіны, саюзных дзяржаў. У прыватнасці, Расійскай Федэрацыі. Мною было даложана, што толькі ў лютым-сакавіку бягучага года мытнай службай выяўлены два буйнейшыя выпадкі перамяшчэння праз нашу граніцу з тэрыторыі Польшчы наркатычнага рэчыва гашышу", - расказаў журналістам Юрый Сянько.

У першым выпадку 278 кг гашышу было схавана ў грузавым аўтамабілі. У другім выпадку 70 кг перавозілася ў сакавіку ў легкавым аўтамабілі.

Кіраўнік ДМК адзначыў, што мытныя органы за 8 месяцаў бягучага года зафіксавалі 20,4 тыс. адміністрацыйных правапарушэнняў. Гэта менш, чым за аналагічны перыяд 2016 года. "Але па якасным складніку, з пункту гледжання кошту аб'ектаў, стала нават больш - на $700 тыс.", - удакладніў ён.-0-

Навіны рубрыкі Прэзідэнт
Поўная версія