27 чэрвеня, Мінск /Кар. БЕЛТА/. Беларусь і В'етнам прапрацоўваюць стварэнне сумесных прадпрыемстваў у розных сферах. Аб гэтым Прэзідэнт Беларусі Аляксандр Лукашэнка паведаміў сёння на адкрыцці Беларуска-в'етнамскага бізнес-форуму, перадае карэспандэнт БЕЛТА.
"Ёсць магчымасці супрацоўніцтва ў навукаёмістых і высокатэхналагічных сферах. Адразу некалькі перадавых беларускіх прадпрыемстваў, такіх як "Палімайстар", "Фідмаш", "Адані", "Рэгула" і іншыя, разглядаюць магчымасць лакалізацыі зборкі абсталявання ўласнай вытворчасці ў індустрыяльных парках В'етнама, - расказаў Аляксандр Лукашэнка. - Прапрацоўваюцца пытанні стварэння на тэрыторыі вашай краіны беларуска-в'етнамскіх прадпрыемстваў па вытворчасці поліамідаў, медыцынскай тэхнікі, прыбораў у галіне радыяцыйнага кантролю і іншай прадукцыі".
Як паведамлялася, да канца года ў В'етнаме павінны пачаць працаваць сумесныя вытворчасці Мінскага аўтамабільнага завода па зборцы грузавых аўтамабіляў і гарадскіх аўтобусаў. Беларуская аўтатэхніка спецыяльна праектуецца пад запыты в'етнамскіх спажыўцоў.
Беларусь можа прапанаваць супрацоўніцтва ў харчовай сферы і лёгкай прамысловасці. Пацвярджэнне таго - рэалізуемы з в'етнамскай кампаніяй "Аў В'ет Індастры" пілотны праект па стварэнні сумеснага прадпрыемства па выпуску ў В'етнаме прадукцыі з сухога малака, вырабленага ў Беларусі.-0-
