Поўная версія

Беларусь і Індыя дамовіліся аб павелічэнні паставак калійных угнаенняў

Прэзідэнт 12.09.2017 | 13:21
Аляксандр Лукашэнка і Нарэндра Модзі
Аляксандр Лукашэнка і Нарэндра Модзі

12 верасня, Нью-Дэлі /Уладзімір Мацвееў - БЕЛТА/. Беларусь і Індыя дамовіліся па пытаннях павелічэння паставак калійных угнаенняў. Аб гэтым сёння пасля завяршэння афіцыйных перагавораў з прэм'ер-міністрам Індыі Нарэндрам Модзі заявіў Прэзідэнт Беларусі Аляксандр Лукашэнка, перадае карэспандэнт БЕЛТА.

Абмен адпаведным мемарандумам аб узаемаразуменні адбыўся ў прысутнасці лідараў дзвюх краін.

Як растлумачыла карэспандэнту БЕЛТА генеральны дырэктар Беларускай калійнай кампаніі Алена Кудравец, мемарандум вызначае тое, як бакі будуць працаваць з 2018 па 2023 год, якія аб'ёмы будуць пастаўляцца асноўнаму пакупніку беларускага калію ў Індыі - кампаніі IPL. "Гэта з павелічэннем аб'ёмаў у параўнанні з тым, як у нас ёсць у гэтым кантрактным годзе. Павелічэнне аб'ёмаў бачыцца і з 2018 па 2023 год. Увесь мемарандум прадугледжвае пастаўку больш як 4 млн т. Там ёсць і апцыйныя аб'ёмы. Будзем бачыць па рынку, па сітуацыі", - адзначыла яна.

Цэнавы аб'ём у сваю чаргу будзе залежаць ад кан'юнктуры рынку. "Кожны год цана на індыйскім рынку ўстанаўліваецца. Гэта кантрактная цана, якая дзейнічае на працягу года. Таму ў залежнасці ад той цаны будзе і аб'ём", - растлумачыла Алена Кудравец.

Індыйскі рынак для БКК стратэгічны. "Гэта кантрактны рынак, разам з кітайскім. Але калі ў Кітаі ёсць свае вытворцы, то ў Індыі ўвесь тавар імпартуецца. І для нас вельмі важна захоўваць і баланс адносін на рынку, і баланс аб'ёмаў. Для нас гэта вельмі важны рынак", - заявіла Алена Кудравец.

Пазней у інтэрв'ю журналістам яна адзначыла, што па выніках мінулага года доля Беларусі на індыйскім рынку склала прыкладна 26 працэнтаў. Цяперашні мемарандум мае тэрмін пяць фінансавых гадоў і заканчваецца ў 2023 годзе. Алена Кудравец таксама ўдакладніла, што агульны аб'ём паставак складзе прыкладна 4,5 млн т без уліку апцыйных аб'ёмаў.

У цэлым, паводле яе слоў, сітуацыя на сусветным рынку калійных угнаенняў добрая, попыт перавышае прапанаванне.-0-

Навіны рубрыкі Прэзідэнт
Фота КАЗІНФАРМ Пратакол аб супрацоўніцтве падпісаны на пасяджэнні беларуска-казахстанскай міжурадавай камісіі
22 верасня, 18:58
Лукашэнка ўзнагародзіў губернатара Сахалінскай вобласці Расіі Алега Кажамяку ордэнам Пашаны
22 верасня, 18:03
Падпісаны ўказ аб развіцці гандлю, грамадскага харчавання і бытавых паслуг у вёсцы і малых гарадах
22 верасня, 17:48
Аляксандр Лукашэнка і Юрый Сянько ДМК Беларусі не чакае стрэсавых сітуацый з уступленнем з 1 студзеня ў сілу Мытнага кодэкса ЕАЭС
22 верасня, 16:11
Беларускія мытнікі ў 2017 годзе спынілі 50 спроб увозу наркотыкаў, у тым ліку два выпадкі з 348 кг гашышу
22 верасня, 15:56
Павышэнне транзітнай прывабнасці Беларусі дадаткова прынесла ў бюджэт у 2017 годзе $250 млн
22 верасня, 13:59
Лукашэнка выказаў спачуванні ў сувязі з ахвярамі землетрасення ў Мексіцы
22 верасня, 13:52
Кантрольным органам забароняць прыпыняць дзейнасць прадпрыемстваў
22 верасня, 12:27
Лукашэнка - Анфімаву: неабходна адысці ад практыкі неабгрунтаваных праверак бізнесменаў
22 верасня, 11:42
Поўная версія