8 снежня, Мінск /Кар. БЕЛТА/. Аптымізаваны затраты па інвестыцыйным праекце "Арганізацыя высокатэхналагічнай аграпрамысловай вытворчасці поўнага цыкла на 2016-2032 гады". Адпаведны ўказ нумар 437 Прэзідэнт Беларусі Аляксандр Лукашэнка падпісаў 8 снежня, паведамілі БЕЛТА ў прэс-службе кіраўніка дзяржавы.
Аптымізацыя затрат будзе дасягнута за кошт выключэння з інвестпраекта будаўніцтва завода па перапрацоўцы семя алейных культур, газатурбіннай устаноўкі і рэалізацыі падпраекта "Земляробства".
Прыняцце ўказа таксама накіравана на развіццё Рудзенска (горад-спадарожнік Мінска) і прылеглых да яго населеных пунктаў шляхам уключэння ў праект будаўніцтва шматкватэрных жылых дамоў для работнікаў ЗАТ "Беларуская нацыянальная біятэхналагічная карпарацыя".
Акрамя таго, для паскарэння вырашэння пытанняў, звязаных з праектаваннем і будаўніцтвам аб'ектаў інвестыцыйнага праекта і закупкай абсталявання, заказчыку, генеральнай праектнай, генеральнай падраднай і праектнай арганізацыям прадастаўляецца права вызначаць пастаўшчыкоў тавараў (работ, паслуг) без правядзення працэдур закупак.
Для ўзмацнення кантролю з боку дзяржавы за рэалізацыяй і эфектыўнасцю інвестпраекта ў рэспубліканскую ўласнасць перадаюцца акцыі ЗАТ "Беларуская нацыянальная біятэхналагічная карпарацыя", якія знаходзяцца ў камунальнай уласнасці Мінскай вобласці, і бокам ад Рэспублікі Беларусь па інвестыцыйным дагаворы аб рэалізацыі праекта вызначаецца Міністэрства сельскай гаспадаркі і харчавання.-0-
