5 кастрычніка, Мінск /Кар. БЕЛТА/. 3-й пагранічнай заставе 19-й пагранічнай групы органаў пагранічнай службы прысвоена імя Героя Савецкага Саюза лейтэнанта Мікалая Сушанава. Адпаведны ўказ падпісаў Прэзідэнт Беларусі Аляксандр Лукашэнка, паведамілі БЕЛТА ў прэс-службе кіраўніка дзяржавы.
Такое рашэнне прынята ў мэтах папулярызацыі гісторыі, баявых традыцый і воінскай службы ў органах пагранічнай службы, а таксама патрыятычнага выхавання моладзі.-0-
