Сцяг Пятніца, 29 сакавіка 2024
Усе навіны
Усе навіны
Палітыка
12 сакавіка 2019, 14:31

Зась выказаўся за прыняцце ў Беларусі асобнай праграмы па захаванні традыцыйных каштоўнасцей

12 сакавіка, Мінск /Уладзімір Мацвееў - БЕЛТА/. Дзяржаўны сакратар Савета бяспекі Беларусі Станіслаў Зась бачыць неабходнасць у прыняцці асобнай праграмы па захаванні традыцыйных каштоўнасцей і асноў беларускага грамадства. Аб гэтым ён заявіў сёння журналістам па выніках пасяджэння Савета бяспекі, на якім разглядаўся праект Канцэпцыі інфармацыйнай бяспекі Беларусі, паведамляе БЕЛТА.

"Важная тэма, якая сёння прагучала, - гэта абарона традыцыйных каштоўнасцей і асноў. Гэтаму прысвечаны цэлы раздзел у Канцэпцыі інфармацыйнай бяспекі. І гэта прапануецца лічыць адным з галоўных аб'ектаў для абароны ў інфармацыйнай прасторы. Быў выказаны шэраг прапаноў менавіта па гэтым напрамку дзейнасці. Праглядаецца неабходнасць прыняцця асобнай праграмы па захаванні традыцыйных каштоўнасцей і асноў нашага грамадства", - расказаў дзяржсакратар.

Ён падкрэсліў, што інфармацыйная прастора Беларусі адкрытая і "прастрэльваецца" з усіх напрамкаў. "Таму нам трэба захоўваць і свой суверэнітэт, і культурныя каштоўнасці, гістарычную спадчыну і традыцыйныя асновы", - дадаў Станіслаў Зась.

Як паведамлялася, на пасяджэнні Савета бяспекі Прэзідэнт Аляксандр Лукашэнка ў ліку абазначаных практычных мер і аспектаў, звязаных з забеспячэннем інфармацыйнай бяспекі, заявіў аб неабходнасці больш уважліва падыходзіць да абароны галоўных канстытуцыйных асноў грамадства, перш за ўсё звязаных з дзяржаўным суверэнітэтам. "Мы бачым, як інфармацыйнымі патокамі размываецца нацыянальны менталітэт, самабытнасць краін і народаў. Істотна мяняюцца сацыяльныя сувязі чалавека, стыль мыслення, спосабы ўзаемадзеяння, успрыманне рэчаіснасці. Усяму гэтаму трэба проціпаставіць прынцыпы гуманізму і справядлівасці, прыярытэты моцных сямейных адносін і здаровага ладу жыцця", - сказаў кіраўнік дзяржавы.-0-

Падпісвайцеся на нас у
Twitter
Топ-навіны
Свежыя навіны Беларусі