Поўная версія

Узбекістан заявіў аб намеры накіраваць пасла ў Беларусь

Палітыка 11.10.2017 | 17:51
Шаўкат Мірзіёеў. Фота з архіва
Шаўкат Мірзіёеў. Фота з архіва

11 кастрычніка, Сочы /Міхаіл Маціеўскі - БЕЛТА/. Узбекістан гатовы накіраваць пасла ў Беларусь. Аб гэтым сёння на сустрэчы з Прэзідэнтам Беларусі Аляксандрам Лукашэнкам заявіў Прэзідэнт Узбекістана Шаўкат Мірзіёеў, перадае карэспандэнт БЕЛТА.

Прэзідэнт Узбекістана канстатаваў, што апошнім часам двухбаковае супрацоўніцтва паміж краінамі прыкметна актывізавалася, дзяржавы дэманструюць поспехі ў гандлёва-эканамічнай сферы. "На наступны год я хацеў бы самастойнага пасла Узбекістана (пакуль у Беларусі па сумяшчальніцтве акрэдытаваны пасол у Расіі. - Заўвага БЕЛТА), таму што ва ўсіх галінах мы адчуваем напаўняльнасць нашых эканомік", - сказаў Шаўкат Мірзіёеў.

Ён адзначыў, што краіны распрацавалі сур'ёзную дарожную карту па развіцці супрацоўніцтва і кампаніі Узбекістана хочуць працаваць з Беларуссю ў многіх галінах. Напрыклад, у Ташкенце функцыянуе сумеснае прадпрыемства па зборцы тэхнікі "Амкадор". Узбекскі бок гатовы развіваць кааперацыю ў гэтым напрамку.

Шаўкат Мірзіёеў прапанаваў таксама стварыць сумесныя прадпрыемствы па вытворчасці тэкстыльнай прадукцыі, паколькі Узбекістан знакаміты сваёй бавоўнай. На яго думку, ёсць перспектывы ўзаемадзеяння ў сферах сельскай гаспадаркі, інфармацыйных тэхналогій, медыцыны. Кіраўнік Узбекістана таксама закрануў тэму ваенна-тэхнічнага супрацоўніцтва, выказаў удзячнасць беларускаму боку за развіццё ўзаемадзеяння ў гэтай галіне. "Мы хочам гэта супрацоўніцтва зрабіць стратэгічным і не на адзін год", - падкрэсліў ён.-0-

Навіны рубрыкі Палітыка
Беларусь і Венгрыя актывізуюць кансультацыі паміж міністэрствамі замежных спраў і пашыраць іх тэматыку
19 кастрычніка, 18:32
Больш за 30 бізнесменаў з Францыі прыедуць у Мінск для ўдзелу ў бізнес-форуме
19 кастрычніка, 16:38
Беларусь і Ізраіль прапрацоўваюць абмен парламенцкімі візітамі на ўзроўні спікераў
19 кастрычніка, 14:57
Фота з архіва Міжнародны форум "Еўразійскі тыдзень" пройдзе ў Ерэване 22-24 кастрычніка
19 кастрычніка, 12:45
Пасяджэнне саюзнага Саўміна пройдзе 13 снежня ў Брэсце
18 кастрычніка, 15:46
Парламенцкая дэлегацыя КНР наведае Беларусь
17 кастрычніка, 16:19
Фота з архіва Саўмін Беларусі зацвердзіў пагадненне аб абмене геапрасторавай інфармацыяй у СНД
17 кастрычніка, 11:59
Індыя вывучыць магчымасць прадастаўлення беларусам электронных віз
17 кастрычніка, 09:50
Сайдзік заклікаў бакі канфлікту ва Украіне прытрымлівацца рэжыму спынення агню
16 кастрычніка, 19:55
Поўная версія