Поўная версія

Турцыя прапануе Беларусі паглыбляць супрацоўніцтва ў адукацыі і культуры

Палітыка 07.08.2017 | 17:22
У час сустрэчы. Фота Савета Рэспублікі
У час сустрэчы. Фота Савета Рэспублікі

7 жніўня, Мінск /Кар. БЕЛТА/. Турцыя прапануе Беларусі паглыбляць супрацоўніцтва ў адукацыі і культуры. Аб гэтым 7 жніўня ішла размова на сустрэчы ў Анкары старшыні Савета Рэспублікі Міхаіла Мясніковіча са старшынёй Вялікага нацыянальнага сходу Турцыі Ісмаілам Кахраманам, паведамілі БЕЛТА ў прэс-службе Савета Рэспублікі.

На сустрэчы абмяркоўваліся перспектывы актывізацыі міжпарламенцкага супрацоўніцтва. Міхаіл Мясніковіч падкрэсліў важнасць пашырэння кантактаў паміж групамі дружбы, якія дзейнічаюць у парламентах дзвюх краін, а таксама пацвердзіў гатоўнасць прыняць у Беларусі дэлегацыю групы дружбы Вялікага нацыянальнага сходу Турцыі. "Ён адзначыў, што ў Беларусі станоўча ацэньваюць дружалюбныя крокі з боку Турцыі пры ўзаемадзеянні на розных міжнародных пляцоўках. Ісмаіл Кахраман у сваю чаргу звярнуў увагу на неабходнасць далейшага паглыблення беларуска-турэцкіх адносін у навукова-тэхнічнай, адукацыйнай, культурнай галінах, а таксама ў сферы маладзёжнай палітыкі", - праінфармавалі ў прэс-службе.

Беларуская парламенцкая дэлегацыя 7 жніўня ўсклала вянок да магілы заснавальніка турэцкай дзяржавы Мустафы Кемаля Атацюрка. Кіраўнік беларускай дэлегацыі пакінуў запіс у Кнізе пачэсных гасцей маўзалея.

У час візіту ў Турцыю дэлегацыя на чале з Міхаілам Мясніковічам сустрэнецца таксама з прэм'ер-міністрам Біналі Йылдырымам і старшынёй групы дружбы парламента Турцыі з Нацыянальным сходам Беларусі Феваі Арсланам. Гэты візіт парламенцкай дэлегацыі будзе садзейнічаць далейшай актывізацыі міжпарламенцкага ўзаемадзеяння, абмеркавання перспектыўных напрамкаў супрацоўніцтва, а таксама іншых пытанняў, якія маюць узаемны інтарэс, падкрэслілі ў прэс-службе Савета Рэспублікі.-0-

Навіны рубрыкі Палітыка
У час сустрэчы. Фота з сайта Палаты прадстаўнікоў Нацыянальнага сходу Беларусі Пірштук і Карапецян абмеркавалі эканамічныя пытанні і развіццё кантактаў у сферы турызму
11:06
Беларусь з'яўляецца адзінай сярод краін "Усходняга партнёрства", дзе няма канфліктаў - ЕС
09:00
МЗС Беларусі расцэньвае рашэнне ўкраінскага боку аб высылцы беларускага дыпламата як абсалютна беспадстаўнае
Учора 19:54
Фота з архіва У Бруселі разлічваюць у хуткім часе завяршыць узгадненне "Прыярытэтаў партнёрства" ЕС і Беларусі
Учора 17:20
Ярмошына раіць на мясцовых выбарах вылучацца шляхам збору подпісаў
Учора 16:30
Дэлегацыю Беларусі на саміце "Усходняга партнёрства" ў Бруселі ўзначаліць Макей
Учора 13:59
У час падпісання Спікеры беларускага і грузінскага парламентаў падпісалі сумесную заяву аб супрацоўніцтве
Учора 10:03
Парламентарыі Беларусі і Арменіі абмяркоўваюць супрацоўніцтва ў ЕАЭС і міжнародных арганізацыях
Учора 09:06
Макей і Сарачан абмеркавалі беларуска-малдаўскае ўзаемадзеянне
20 лістапада, 17:29
Поўная версія