27 чэрвеня, Мінск /Аліна Грышкевіч - БЕЛТА/. Міністр замежных спраў Беларусі Уладзімір Макей сустрэўся з сустаршынямі Мінскай групы АБСЕ Стэфанам Вісконці (Францыя), Ігарам Паповым (Расія), Эндру Шоферам (ЗША), а таксама асабістым прадстаўніком дзеючага старшыні АБСЕ па нагорна-карабахскім канфлікце Анджэем Каспшыкам. Аб гэтым БЕЛТА паведамілі ў прэс-службе беларускага знешнепалітычнага ведамства.
Сустаршыні Мінскай групы і асабісты прадстаўнік дзеючага старшыні АБСЕ праінфармавалі міністра аб сітуацыі ў зоне канфлікту і намаганнях, што прыкладаюцца імі, па нагорна-карабахскім урэгуляванні. У ходзе сустрэчы абмеркаваны актуальныя пытанні дзейнасці Мінскай групы АБСЕ, а таксама магчымы ўклад Беларусі ў працэс мірнага ўрэгулявання нагорна-карабахскага канфлікту.
У рамках візіту сустаршыняў Мінскай групы адбылася іх сустрэча з намеснікам міністра замежных спраў Беларусі Алегам Краўчанкам.-0-
