Поўная версія

Сустрэча кіраўнікоў урадаў краін ЦЕІ пройдзе ў Мінску 12 снежня

Палітыка 07.12.2017 | 13:25
Фота з архіва
Фота з архіва

7 снежня, Мінск /Кар. БЕЛТА/. Сустрэча кіраўнікоў урадаў краін Цэнтральна-Еўрапейскай ініцыятывы пройдзе ў Мінску 12 снежня. Аб гэтым паведаміў сёння на брыфінгу начальнік упраўлення інфармацыі - прэс-сакратар МЗС Беларусі Дзмітрый Мірончык, перадае карэспандэнт БЕЛТА.

Паводле інфармацыі на сёння, на высокім урадавым узроўні ў мерапрыемстве будуць удзельнічаць Боснія і Герцагавіна, Венгрыя, Харватыя, Македонія, Малдова, Сербія, Славакія і Славенія. Ад шэрага краін яшчэ чакаецца пацвярджальная інфармацыя.

Асноўная тэма саміту - роля краін ЦЕІ ў пашырэнні сумяшчальнасці і ўзаемадапаўняльнасці розных інтэграцыйных працэсаў у Вялікай Еўропе, умацаванне прагматычнага эканамічнага супрацоўніцтва паміж рознымі інтэграцыйнымі структурамі, аб'яднанне намаганняў у процістаянні новым пагрозам стабільнасці ў рэгіёне.

Будзе прыняты план дзеянняў ЦЕІ на 2018-2020 гады. Гэта асноўны дакумент арганізацыі, ён вызначае напрамкі праектнай дзейнасці на перспектыву для краін-членаў. У ходзе сустрэчы старшынства ў ЦЕІ будзе перададзена ад Беларусі Харватыі.

Што датычыцца беларускага старшынства ў ЦЕІ, то яно было вельмі паспяховым, адзначыў Дзмітрый Мірончык. "Гэта пацвярджаюць нашы партнёры, ды і па ўласных адчуваннях нашы рэзультаты вельмі пазітыўныя", - сказаў ён.

У рамках беларускага старшынства ў Мінску ў чэрвені прайшла сустрэча міністраў замежных спраў краін - членаў ЦЕІ. Паспяховай была міністэрская канферэнцыя па навуцы, прысвечаная развіццю біятэхналогій і фармацэўтыцы. Гэты фармат і раней існаваў у ЦЕІ, але пасля шматгадовага перапынку ён быў адноўлены Беларуссю і стаў вельмі запатрабаваным. Упершыню ў гісторыі ЦЕІ Беларусь у рамках свайго старшынства правяла сустрэчу кіраўнікоў гандлёва-прамысловых палат краін - членаў арганізацыі.-0-

Навіны рубрыкі Палітыка
Ван Цішань. Фота Сіньхуа - БЕЛТА Намеснік старшыні КНР Ван Цішань наведае Беларусь з афіцыйным візітам 27-29 мая
Учора 18:39
Кіраўнікі ўрадаў краін СНД плануюць разгледзець 14 праектаў дакументаў на саміце ў Душанбэ
Учора 15:45
Зендэр: "Усходняе партнёрства" - інструмент падтрымкі краін гэтай ініцыятывы
Учора 13:18
У час сустрэчы. Фота МЗС РБ Макей абмеркаваў з Грэмінгерам сітуацыю ў галіне бяспекі ў Еўрапейскім рэгіёне
Учора 10:27
Беларусь імкнецца да поўнай празрыстасці пры правядзенні ваенных вучэнняў - прадстаўнік НАТА
24 мая, 15:44
Бардзюжа адзначае актыўную пазіцыю Беларусі ў пошуку выйсця са складанага становішча ва Усходняй Еўропе
24 мая, 14:12
Томас Грэмінгер Грэмінгер заклікае надаць палітычны імпульс мінскім пагадненням
24 мая, 13:58
Эксперты адзначаюць асаблівую ролю Беларусі ў арганізацыі міжнароднага дыялогу
24 мая, 09:04
Макей: дыялог паміж ЕС і ЕАЭС выключыць барацьбу за сферы ўплыву ва Усходняй Еўропе
23 мая, 19:22
Поўная версія