11 чэрвеня, Масква /Эдуард Півавар - БЕЛТА/. Сесія Парламенцкага сходу Саюза Беларусі і Расіі адбудзецца ў Мінску 17 чэрвеня, паведамілі БЕЛТА ў прэс-службе сходу.
"Саюзныя парламентарыі абмяркуюць ход рэалізацыі прыярытэтных напрамкаў і першачарговых задач далейшага развіцця Саюзнай дзяржавы на 2018-2022 гады, - адзначылі ў прэс-службе. - Дэпутатам будзе прадстаўлена інфармацыя аб ходзе работы па павышэнні эфектыўнасці гандлёва-эканамічнага супрацоўніцтва Беларусі і Расіі, а таксама аб дзейнасці па развіцці аграпрамысловага комплексу ў рамках Саюзнай дзяржавы. Акрамя таго, плануецца прааналізаваць праведзеную работу па выканні рэзалюцыі Вышэйшага дзяржаўнага савета Саюзнай дзяржавы ад 30 чэрвеня 2017 года "Аб адмене роўмінгу на тэрыторыі Саюзнай дзяржавы", падвесці вынікі дзейнасці Маладзёжнай палаты пра Парламенцкім сходзе, абмеркаваць прапановы ў план-графік работы Парламенцкага сходу на 2020 год".
Акрамя дэпутатаў Парламенцкага сходу ў рабоце сесіі прымуць удзел прадстаўнікі Пастаяннага камітэта Саюзнай дзяржавы, міністэрстваў і ведамстваў Беларусі і Расіі, пастаянных наглядальнікаў пры Парламенцкім сходзе, члены Маладзёжнай палаты пры Парламенцкім сходзе.-0-
