23 студзеня, Мінск /Кар. БЕЛТА/. Першае ў 2018 годзе пасяджэнне Савета пастаянных паўнамоцных прадстаўнікоў дзяржаў - удзельніц СНД пры статутных і іншых органах Садружнасці адбудзецца ў Мінску 30 студзеня, паведамілі БЕЛТА ў прэс-службе Выканкама СНД.
Члены Савета сфарміруюць праект парадку дня чарговага пасяджэння Савета міністраў замежных спраў (СМЗС) СНД, якое пройдзе ў Мінску 6 красавіка. У прыватнасці, у яго ўключаны пытанні палітычнага ўзаемадзеяння, дакументы, што датычацца супрацоўніцтва ў барацьбе са злачынствамі ў сферы інфармацыйных тэхналогій, у процідзеянні легалізацыі даходаў, атрыманых злачынным шляхам, фінансаванню тэрарызму і распаўсюджванню зброі масавага знішчэння. Кіраўнікам знешнепалітычных ведамстваў будуць таксама прадстаўлены праекты дакументаў у галіне адукацыі і маладзёжнай палітыкі.
Акрамя таго, плануецца абмеркаваць перспектывы развіцця дагаворна-прававой базы СНД у 2018 годзе і ўзгадніць кандыдатуры кіраўнікоў місій наглядальнікаў ад інтэграцыйнага аб'яднання на выбарах прэзідэнта Расіі і дэпутатаў парламента Туркменістана.
У пасяджэнні прыме ўдзел старшыня Выканаўчага камітэта - выканаўчы сакратар СНД Сяргей Лебедзеў.-0-