2 мая, Мінск /Кар. БЕЛТА/. Для Арменіі цяпер важна стабільнасць дзяржавы і кансалідацыя грамадства. Аб гэтым расказаў у праграме "Контуры" на тэлеканале АНТ Прэзідэнт гэтай краіны Армен Саркісян, паведамляе карэспандэнт БЕЛТА.
Па ініцыятыве армянскага боку 25 красавіка адбылася тэлефонная размова Прэзідэнта Беларусі і Прэзідэнта Арменіі.
Журналісты папрасілі Армена Саркісяна падзяліцца падрабязнасцямі размовы. Паводле слоў Прэзідэнта Арменіі, гутарка атрымалася вельмі дружалюбнай. "Доўга і адкрыта гаварылі з Аляксандрам Лукашэнкам аб нашым жыцці, абмяркоўвалі канстытуцыйныя змяненні ў маёй краіне. Як, чаму і куды гэтыя змяненні будуць весці, дзе мы мелі рацыю, а дзе былі дапушчаны памылкі. Выказаў асабістае меркаванне кіраўніку беларускай дзяржавы. Абмяркоўвалі, якія ёсць выхады з існуючай сітуацыі. Для Арменіі важна цяпер стабільнасць дзяржавы і кансалідацыя грамадства. У гэтым з Аляксандрам Лукашэнкам абсалютна згодны. Кожны грамадзянін мае права на сваё меркаванне, але структура дзяржаўнасці, увесь механізм павінен працаваць зладжана", - расказаў Армен Саркісян.-0-
