Поўная версія

Румынія зацікаўлена ва ўмацаванні адносін Беларусі і ЕС

Палітыка 14.06.2018 | 15:17
Дэнуц Себасціян Некулэеску і Баляслаў Пірштук
Дэнуц Себасціян Некулэеску і Баляслаў Пірштук

14 чэрвеня, Мінск /Кар. БЕЛТА/. Румынія зацікаўлена ва ўмацаванні адносін Беларусі і ЕС. Аб гэтым сёння заявіў дзяржаўны сакратар Міністэрства замежных спраў Румыніі Дэнуц Себасціян Некулэеску на сустрэчы з намеснікам старшыні Палаты прадстаўнікоў Баляславам Пірштуком, перадае карэспандэнт БЕЛТА.

У наступным годзе Румынія будзе старшынстваваць у ЕС. "Мы хацелі б пакласці новую цагліну ў фундамент адносін паміж Еўрапейскім саюзам і Беларуссю", - адзначыў дзяржсакратар румынскага МЗС.

Дэнуц Себасціян Некулэеску дадаў, што Румынія, будучы старшынёй у ЕС, мае намер удзяляць вялікую ўвагу супрацоўніцтву з усходнімі партнёрамі. Важнае месца ў плане старшынства Румыніі зойме лічбавая эканоміка. Ён звярнуў увагу, што ў Беларусі гэты напрамак актыўна развіваецца.

У час сустрэчы бакі адзначылі, што двухбаковыя адносіны набіраюць пазітыўную дынаміку, і выказалі зацікаўленасць у тым, каб замацаваць яе. Баляслаў Пірштук лічыць, што цяперашні ўзровень тавараабароту ў памеры $150 млн - сціплы паказчык для магчымасцей дзвюх краін. "Можна было б паставіць перад сабой амбіцыйную задачу і падвоіць яго", - лічыць віцэ-спікер. На яго думку, за два-тры гады краіны маглі б дасягнуць гэтай мэты пры ўмове больш актыўнай работы паслоў, інвестараў. Сваю ролю ў актывізацыі гандлёва-эканамічнага супрацоўніцтва адыграюць і парламентарыі, якія, як адзначалася раней на сустрэчы, настроены на працяг канструктыўнага ўзаемадзеяння.-0-

Навіны рубрыкі Палітыка
Фота з архіва Праект пагаднення аб бязвізавым рэжыме паміж Беларуссю і Тайландам знаходзіцца на разглядзе ў Бангкоку
11:54
Беларусь і ЕС абмеркавалі ўзаемадзеянне ў сферы правоў чалавека
09:44
Зрухі ў адносінах Расіі і ЗША пойдуць на карысць і Беларусі - Рахманаў
Учора 15:15
Фота з архіва Пасяджэнне Еўразійскага міжурадавага савета пройдзе 26-27 ліпеня ў Санкт-Пецярбургу
16 ліпеня, 17:54
Турцыя ўдзячна Беларусі за верную дружбу і салідарнасць
16 ліпеня, 11:32
Францыя заўсёды была і застаецца важным партнёрам Беларусі ў Еўропе і ў свеце - Краўчанка
16 ліпеня, 10:44
Фота МЗС Беларусь запрашае ЕЭК ААН да практычнага садзейнічання ў стварэнні сеткі нацкаардынатараў па МУР
13 ліпеня, 19:35
Беларусь і ЕС правядуць 17 ліпеня ў Мінску пяты раўнд дыялогу па правах чалавека
13 ліпеня, 18:14
Інвестыцыі і перагаворы з ЕС і СГА разгледжаны на сустрэчы Еўдачэнкі з дэлегацыяй з Баварыі
13 ліпеня, 18:06
Поўная версія