20 жніўня, Мінск /Кар. БЕЛТА/. Польская парламенцкая дэлегацыя на чале з віцэ-маршалкам Сейма Рышардам Тарлецкім будзе знаходзіцца з візітам у Беларусі 21-23 жніўня. Аб гэтым БЕЛТА паведамілі ў прэс-службе Палаты прадстаўнікоў.
Праграма візіту ўключае перагаворы ў Палаце прадстаўнікоў, Міністэрстве спорту і турызму. Адбудзецца таксама асобная сустрэча з рабочай групай Нацыянальнага сходу Беларусі па супрацоўніцтве з парламентам Польшчы. Акрамя таго, дэлегацыя пабывае ў Мядзельскім і Глыбоцкім раёнах.
"Бакі абмяркуюць пытанні пашырэння міжпарламенцкага ўзаемадзеяння, у тым ліку па лініі створаных у парламентах абедзвюх краін рабочых груп, паглыблення гандлёва-эканамічнага, інвестыцыйнага, турыстычнага і гуманітарнага супрацоўніцтва", - адзначылі ў прэс-службе Палаты прадстаўнікоў.-0-