1 кастрычніка, Мінск /Аліна Грышкевіч - БЕЛТА/. Пастаянны сакратар Міністэрства замежных спраў Вялікабрытаніі, кіраўнік дыпламатычнай службы Сайман Макдональд наведвае Мінск 1 кастрычніка ў рамках рэгіянальнага туру. Аб гэтым карэспандэнту БЕЛТА паведамілі ў пасольстве Вялікабрытаніі ў Беларусі.
Прыезд Саймана Макдональда прадаўжае серыю двухбаковых сустрэч і візітаў, у ліку якіх візіты дзяржміністра па справах Еўропы і Амерыкі МЗС Вялікабрытаніі Алана Дункана ў Беларусь у верасні 2017 года і міністра замежных спраў Беларусі Уладзіміра Макея ў Вялікабрытанію ў сакавіку 2018 года.
У беларускай сталіцы Сайман Макдональд сустрэнецца з намеснікам міністра замежных спраў Беларусі Алегам Краўчанкам і міністрам фінансаў Максімам Ермаловічам. Ён таксама правядзе сустрэчы з выпускнікамі брытанскіх універсітэтаў.
У пасольстве лічаць, што візіт пастаяннага сакратара дасць магчымасць умацаваць адносіны паміж Вялікабрытаніяй і Беларуссю і вывучыць шляхі двухбаковага супрацоўніцтва, у тым ліку шляхам развіцця гандлёвых сувязей.-0-
