Поўная версія

Пасол Казахстана адзначае адкрыты характар вучэнняў "Захад-2017" для наглядальнікаў

Палітыка 13.09.2017 | 12:25
Ергалі Булегенаў. Фота з архіва
Ергалі Булегенаў. Фота з архіва

13 верасня, Мінск /Кар. БЕЛТА/. Беларуска-расійскія вучэнні "Захад-2017" адкрытыя для наглядальнікаў. Аб гэтым заявіў сёння Надзвычайны і Паўнамоцны Пасол Казахстана ў Беларусі Ергалі Булегенаў на прэс-канферэнцыі, прысвечанай 25-годдзю ўстанаўлення дыпламатычных адносін паміж дзвюма краінамі, перадае карэспандэнт БЕЛТА.

"Я занепакоенасці тых дыпламатаў (вядома, якіх дзяржаў) не падзяляю. Такія вучэнні праводзяцца і ў нас у Казахстане, яны традыцыйныя. Гэта планавыя вучэнні. Яны былі намечаны не ўчора і не сёння, аб іх было вядома загадзя. Тым больш яны адкрытыя для ўсіх дзяржаў. Мы ведаем, што запрошаны прадстаўнікі многіх краін", - сказаў Ергалі Булегенаў.

Пасол выказаў упэўненасць, што вучэнні "Захад-2017" пройдуць паспяхова.-0-

Навіны рубрыкі Палітыка
Поўная версія