8 лютага, Мінск /Аліна Грышкевіч - БЕЛТА/. У Мінск летам прыбудзе Надзвычайны і Паўнамоцны Пасол Японіі для ажыццяўлення сваёй дыпламатычнай місіі ў Беларусі, паведаміў на прэс-канферэнцыі часовы павераны ў справах Японіі ў Беларусі Хірокі Такунага, перадае карэспандэнт БЕЛТА.
"Цяпер я знаходжуся ў Беларусі ў статусе часовага паверанага, а Надзвычайны і Паўнамоцны Пасол з рэзідэнцыяй у Маскве з'яўляецца па сумяшчальніцтве паслом Японіі ў Беларусі, - растлумачыў дыпламат. - Аднак ужо ў гэтым годзе ў Мінск прыбудзе Надзвычайны і Паўнамоцны Пасол, і мы маем намер яшчэ больш актывізаваць работу пасольства ў новым статусе".
Хірокі Такунага адзначыў зацікаўленасць японскага боку пашыраць узаемадзеянне з Беларуссю па ўсіх напрамках.-0-