11 верасня, Мінск /Кар. БЕЛТА/. Надзвычайны і Паўнамоцны Пасол Беларусі ў Нігерыі і ў Гане па сумяшчальніцтве Вячаслаў Брыль уручыў копіі даверчых грамат намесніку міністра замежных спраў і рэгіянальнай інтэграцыі Ганы Чарльзу Авірэду, паведамілі БЕЛТА ў прэс-службе Міністэрства замежных спраў Беларусі.
Пасля цырымоніі ўручэння грамат бакі абмяняліся меркаваннямі адносна перспектыў развіцця беларуска-ганскіх адносін і адзначылі ўзаемную зацікаўленасць у пашырэнні палітычных, гандлёва-эканамічных і гуманітарных сувязей.-0-