4 мая, Мінск /Кар. БЕЛТА/. Пасол Беларусі ў Эквадоры і Панаме па сумяшчальніцтве Ігар Палуян уручыў даверчыя граматы Прэзідэнту Панамы Хуану Карласу Варэлу, паведамілі БЕЛТА ў прэс-службе Міністэрства замежных спраў Беларусі.
У размове з кіраўніком панамскай дзяржавы, у якой таксама прыняла ўдзел віцэ-прэзідэнт - міністр замежных спраў Панамы Ісабэль дэ Саінт Мало дэ Альварада, абмеркаваны шляхі ўмацавання кантактаў паміж дзвюма краінамі, у тым ліку шляхам назначэння ганаровых консулаў.
Асаблівую ўвагу бакі ўдзялілі пошуку перспектыўных напрамкаў гандлёва-эканамічнага ўзаемадзеяння, арганізацыі афіцыйных і дзелавых візітаў, стварэнню дагаворна-прававой базы супрацоўніцтва паміж Беларуссю і Панамай.-0-
