Поўная версія

Пасяджэнне ВДС Саюзнай дзяржавы пройдзе сёння ў Мінску

Палітыка 19.06.2018 | 09:01

19 чэрвеня, Мінск /Кар. БЕЛТА/. Пасяджэнне Вышэйшага дзяржаўнага савета Саюзнай дзяржавы пройдзе сёння ў Мінску ў Палацы Незалежнасці, паведамляе БЕЛТА.

Парадак дня ўключае каля дзясятка пунктаў. Сярод іх - праграма ўзгодненых дзеянняў у галіне знешняй палітыкі на 2018-2019 гады, пытанні далейшага развіцця інтэграцыйнага аб'яднання на 2018-2022 гады.

Вышэйшы орган Саюзнай дзяржавы таксама разгледзіць пытанні бягучай дзейнасці інтэграцыйнага аб'яднання.

Акрамя таго, Прэзідэнт Беларусі Аляксандр Лукашэнка і Прэзідэнт Расіі Уладзімір Пуцін правядуць перагаворы ў вузкім складзе. Яны абмяркуюць стан і перспектывы развіцця двухбаковых адносін, рэалізацыю сумесных праектаў, узаемадзеянне ў інтэграцыйных фарматах і на міжнародных пляцоўках.

Беларуска-расійскія адносіны знаходзяцца на высокім узроўні з пункту гледжання ўсіх магчымых напрамкаў міждзяржаўнага ўзаемадзеяння: палітыкі, эканомікі, сацыяльнай сферы і культуры. Расія з'яўляецца асноўным гандлёвым партнёрам Беларусі. Па выніках 2017 года тавараабарот склаў $32,4 млрд і ў параўнанні з 2016 годам павялічыўся на 23,5 працэнта. Узаемны тавараабарот за студзень-красавік 2018 года склаў $11,4 млрд, павялічыўшыся да ўзроўню студзеня-красавіка 2017 года на 18,5 працэнта. Экспарт паслуг у Расію ў 2017 годзе склаў больш за $2,9 млрд (рост амаль на 23 працэнты да ўзроўню 2016 года), імпарт паслуг з Расіі за гэты ж перыяд склаў $1,46 млрд (павелічэнне на 25,5 працэнта). У 2017 годзе на долю Расіі прыпадала $3,7 млрд, або 38,1 працэнта агульнага аб'ёму прыцягнутых за гэты перыяд у Беларусь замежных інвестыцый. Удзельная вага прамых інвестыцый з Расіі ў агульным аб'ёме прыцягнутых у Беларусь складае 36,8 працэнта. Прыцягнута з Расіі ПЗІ на суму $2,84 млрд.-0-

Навіны рубрыкі Палітыка
Фота з архіва Праект пагаднення аб бязвізавым рэжыме паміж Беларуссю і Тайландам знаходзіцца на разглядзе ў Бангкоку
11:54
Беларусь і ЕС абмеркавалі ўзаемадзеянне ў сферы правоў чалавека
09:44
Зрухі ў адносінах Расіі і ЗША пойдуць на карысць і Беларусі - Рахманаў
Учора 15:15
Фота з архіва Пасяджэнне Еўразійскага міжурадавага савета пройдзе 26-27 ліпеня ў Санкт-Пецярбургу
16 ліпеня, 17:54
Турцыя ўдзячна Беларусі за верную дружбу і салідарнасць
16 ліпеня, 11:32
Францыя заўсёды была і застаецца важным партнёрам Беларусі ў Еўропе і ў свеце - Краўчанка
16 ліпеня, 10:44
Фота МЗС Беларусь запрашае ЕЭК ААН да практычнага садзейнічання ў стварэнні сеткі нацкаардынатараў па МУР
13 ліпеня, 19:35
Беларусь і ЕС правядуць 17 ліпеня ў Мінску пяты раўнд дыялогу па правах чалавека
13 ліпеня, 18:14
Інвестыцыі і перагаворы з ЕС і СГА разгледжаны на сустрэчы Еўдачэнкі з дэлегацыяй з Баварыі
13 ліпеня, 18:06
Поўная версія