Поўная версія

Падтрымка сямейных каштоўнасцей павінна пранізваць усе напрамкі работы ЮНІСЕФ - Вялічка

Палітыка 13.09.2017 | 11:11
Ірына Вялічка. Фота МЗС
Ірына Вялічка. Фота МЗС

13 верасня, Мінск /Кар. БЕЛТА/. Падтрымка сям'і і сямейных каштоўнасцей павінна пранізваць усе напрамкі работы Дзіцячага фонду ААН (ЮНІСЕФ). Гэта адзначыла Часовы павераны Беларусі пры ААН Ірына Вялічка на адкрыцці 2-й рэгулярнай сесіі Выканаўчага савета ЮНІСЕФ у штаб-кватэры ААН у Нью-Ёрку, паведамілі БЕЛТА ў прэс-службе МЗС.

Ірына Вялічка адзначыла важнасць дзейнасці ЮНІСЕФ у кантэксце выканання Парадку дня ААН у галіне ўстойлівага развіцця на перыяд да 2030 года. На яе думку, падтрымка сям'і і сямейных каштоўнасцей павінна пранізваць усе напрамкі работы фонду па абароне правоў і інтарэсаў дзяцей.

Беларускі дыпламат выказала шэраг заўваг і прапаноў адносна праекта стратэгічнага плана. У прыватнасці, Ірына Вялічка станоўча ацаніла нацэленасць фонду на цеснае і канструктыўнае супрацоўніцтва з урадамі краін - атрымальніц дапамогі для аказанні ім адраснага садзейнічання па дасягненні Мэт устойлівага развіцця. Кіраўнік беларускай дэлегацыі звярнула ўвагу на неабходнасць барацьбы з гандлем дзецьмі, у прыватнасці праз інтэрнэт, які займае асаблівае месца ў жыцці падрастаючага пакалення.

Часовы павераны падтрымала ўключэнне ў стратэгічны план у якасці аднаго з напрамкаў дзейнасці ЮНІСЕФ абарону правоў і інтарэсаў дзяцей з абмежаванымі магчымасцямі.

Сесія выканаўчага савета ЮНІСЕФ прадоўжыцца да 15 верасня, па яе выніках будзе прыняты стратэгічны план ЮНІСЕФ на 2018-2021 гады. У 2017 годзе Беларусь з'яўляецца намеснікам старшыні бюро Выканаўчага савета ЮНІСЕФ.-0-

Навіны рубрыкі Палітыка
Прадстаўнікі МЗС Беларусі і Польшчы абмеркавалі ў Мінску развіццё адносін паміж краінамі
22 верасня, 18:01
Пірштук разлічвае на актывізацыю беларуска-бельгійскіх міжпарламенцкіх кантактаў
22 верасня, 12:44
Макей падкрэслівае неабходнасць больш глыбокага і ўсёабдымнага супрацоўніцтва ў рэгіёне ЦЕІ
22 верасня, 11:49
Уладзімір Макей. Фота прэс-цэнтра ААН Беларусь заклікае паставіць кропку ў халоднай вайне і прапануе пляцоўку для глабальных перагавораў
22 верасня, 09:11
Германія прадоўжыць палітыку паслядоўнага збліжэння з Беларуссю - дыпламат
21 верасня, 19:54
Дыпламаты Беларусі і Польшчы абмяркуюць у Мінску развіццё супрацоўніцтва паміж краінамі
21 верасня, 15:46
Сустрэча кіраўнікоў МЗС краін АДКБ прайшла пад старшынствам Макея на палях 72-й сесіі Генасамблеі ААН
21 верасня, 13:19
Дзяржаўны міністр МЗС Вялікабрытаніі Алан Дункан наведае Беларусь
21 верасня, 13:14
Чачэнская дэлегацыя на чале з Кадыравым прыедзе ў Мінск
21 верасня, 12:43
Поўная версія