23 ліпеня, Мінск /Аліна Грышкевіч - БЕЛТА/. Міністр замежных спраў Беларусі Уладзімір Макей правёў сустрэчу з Надзвычайным і Паўнамоцным Паслом Федэратыўнай Рэспублікі Германія ў Рэспубліцы Беларусь Манфрэдам Хутэрэрам з нагоды ўручэння ім копій даверчых грамат, паведамілі БЕЛТА ў прэс-службе МЗС.
Міністр павіншаваў Манфрэда Хутэрэра з назначэннем, выказаўшы надзею на далейшае ўмацаванне актыўнага двухбаковага дыялогу на ўсіх узроўнях, а таксама запэўніў у падтрымцы беларускім бокам узаемавыгадных ініцыятыў у розных сферах.
Бакі абмеркавалі стан і перспектывы беларуска-германскага супрацоўніцтва, уключаючы яго гандлёва-эканамічны і інвестыцыйны напрамкі, тэматыку ўзаемадзеяння паміж Беларуссю і ЕС, пытанні рэгіянальнага парадку дня.-0-