23 мая, Мінск /Кар. БЕЛТА/. Сёння ў Маскве адбыўся чарговы раўнд беларуска-расійскіх кансультацый паміж міністэрствамі замежных спраў па консульскіх пытаннях, паведамілі БЕЛТА ў прэс-службе Міністэрства замежных спраў Беларусі.
Бакі абмеркавалі пытанні абароны правоў і законных інтарэсаў грамадзян Беларусі і Расіі, у тым ліку ў трэціх краінах, прымяненне Канвенцыі аб прававой дапамозе і прававых адносінах па грамадзянскіх, сямейных і крымінальных справах ад 22 студзеня 1993 года.
Асаблівая ўвага ўдзелена дзейнасці консульскіх службаў дзвюх краін, а таксама ўзаемадзеянню беларускіх і расійскіх загранустаноў з кампетэнтнымі органамі дзяржаў іх знаходжання.
Беларускую дэлегацыю на кансультацыях узначаліў начальнік галоўнага консульскага ўпраўлення Ігар Фісенка, расійскую - дырэктар консульскага дэпартамента Яўген Іваноў.-0-