18 лютага, Мінск /Кар. БЕЛТА/. Мясцовае самакіраванне ў Беларусі мае рэальны ўплыў на цэнтральную ўладу. Такое меркаванне журналістам выказала старшыня Цэнтрвыбаркама Лідзія Ярмошына, перадае карэспандэнт БЕЛТА.
Для маніторынгу на мясцовых выбарах у Беларусі акрэдытавана 46 міжнародных наглядальнікаў - супрацоўнікаў дыпламатычных прадстаўніцтваў, працуючых у Беларусі. Больш за ўсё іх накіравалі пасольствы Літвы, Расіі і ЗША. Журналісты пацікавіліся, чым, на думку Лідзіі Ярмошынай, выклікана такая вялікая цікавасць. "Дыпламаты, якія працуюць у Беларусі, цікавяцца ўсімі падзеямі, што адбываюцца ў краіне. Ім цікава, з каго будзе складацца мясцовае самакіраванне. Таму што яно рэальна ўплывае і на цэнтральную ўладу", - адзначыла старшыня ЦВК.
За выбарчай кампаніяй у Беларусі сочаць больш за 28 тыс. нацыянальных наглядальнікаў. Паводле слоў Лідзіі Ярмошынай, паступаючыя ад іх скаргі Цэнтральная камісія паспяхова вырашае.
Сёння ў Беларусі праходзяць выбары ў мясцовыя Саветы. Зарэгістравана 22 тыс. 289 кандыдатаў у дэпутаты. Увогуле паміж удзельнікамі кампаніі будзе размеркавана крыху больш за 18 тыс. мандатаў.-0-
