19 кастрычніка, Масква /Эдуард Півавар - БЕЛТА/. Трэці Міжнародны форум "Еўразійскі форум" - буйнейшы на тэрыторыі Еўразійскага эканамічнага саюза саміт прадстаўнікоў улады, рэгулюючых органаў і бізнесу - пройдзе з 22 па 24 кастрычніка ў Ерэване, паведамілі БЕЛТА ў прэс-офісе мерапрыемства.
"У фокусе "Еўразійскага тыдня - 2018" - стварэнне спрыяльнага бізнес-клімату на тэрыторыі краін саюза, умацаванне вытворчых сувязей, развіццё экспартнага патэнцыялу, стварэнне прывабных умоў для замежных інвестараў", - адзначылі арганізатары.
Свой удзел у форуме пацвердзілі каля 2 тыс. удзельнікаў і больш як 150 спікераў, у ліку якіх - віцэ-прэм'еры і міністры ўрадаў, кіраўнікі дзяржкарпарацый і прадстаўнікі бізнесу дзяржаў - членаў ЕАЭС. Заяўлены ўдзельнікі з Беларусі, Расіі, Арменіі, Афганістана, Венгрыі, Германіі, Грузіі, Ірана, Італіі, Казахстана, Камбоджы, Кыргызстана, Кітая, Літвы, Малдовы, Нігерыі, Нідэрландаў, ААЭ, Вялікабрытаніі, ЗША, Таджыкістана, Узбекістана, Швейцарыі, Катара, Францыі, Аргенціны, Іспаніі, Украіны.
У праграму ўвайшлі больш за 30 дыскусійных мерапрыемстваў. Форум адкрыецца пленарным пасяджэннем "Рэальны сектар эканомікі ЕАЭС: нарошчванне патэнцыялу ва ўмовах інтэграцыі", у якім прымуць удзел віцэ-прэм'еры і міністры краін саюза. Сярод іншых глабальных тэм - "Тэхналагічны прарыў і патэнцыяльныя магчымасці краін ЕАЭС", "Знешнеэканамічная дзейнасць ЕАЭС як крыніца эканамічнага росту і фактар устойлівасці ў развіцці бізнесу", "Выкарыстанне інтэграцыйнага патэнцыялу ЕАЭС у мэтах развіцця прамысловасці будматэрыялаў". Таксама пройдуць круглыя сталы на тэмы: "Удасканаленне палажэнняў Дагавора аб ЕАЭС у сферы тэхнічнага рэгулявання", "Лічбавая прасочвальнасць у ЕАЭС: перспектывы развіцця". Акрамя таго, на форуме ўпершыню пройдзе фінал конкурсу інавацыйных праектаў "Еўразійскія лічбавыя платформы".
Таксама ўпершыню на форуме арганізавана выстаўка, на якой будуць прадстаўлены экспартна арыентаваныя кампаніі саюза з розных сектараў эканомікі. Агульная плошча экспазіцыі зойме больш за 4 тыс. кв.м, прамысловы і кааперацыйны патэнцыял ЕАЭС прадставяць больш за 100 кампаній па шасці ключавых галінах: фармацэўтыка і медыцынскае абсталяванне, сельская гаспадарка, ювелірная галіна, лёгкая прамысловасць, вытворчасць інавацыйных будаўнічых матэрыялаў, тэхналогіі для прамысловасці (уключаючы IT).
Форум "Еўразійскі тыдзень" - штогадовае мерапрыемства, праводзімае краінамі ЕАЭС і Еўразійскай эканамічнай камісіяй. Упершыню форум адбыўся ў кастрычніку 2016 года ў Маскве. Другі форум прайшоў у жніўні 2017 года ў Астане.-0-
