Сцяг Чацвер, 28 сакавіка 2024
Усе навіны
Усе навіны
Палітыка
03 кастрычніка 2018, 09:05

Макей: свет мае патрэбу ў новым фармаце міжнародных адносін

3 кастрычніка, Мінск /Кар. БЕЛТА/. Свет мае патрэбу ў новым фармаце міжнародных адносін. Аб гэтым заявіў 2 кастрычніка міністр замежных спраў Беларусі Уладзімір Макей на пленарным пасяджэнні 73-й сесіі Генеральнай асамблеі ААН у Нью-Ёрку, паведамілі БЕЛТА ў прэс-службе МЗС Беларусі.

Пленарнае пасяджэнне ААН прысвечана 100-годдзю з дня нараджэння выдатнага дзяржаўнага і палітычнага дзеяча, былога прэзідэнта ПАР Нэльсана Мандэлы. Уладзімір Макей акцэнтаваў увагу на недапушчальнасці пагарджання ідэаламі і прынцыпамі, якіх прытрымліваўся Нэльсан Мандэла, і падкрэсліў, што свет сёння мае патрэбу ў новым фармаце міжнародных адносін, заснаваным на ўліку сучаснай абстаноўкі і прызначаным стаць узорам вырашэння самых складаных праблем.

У пасяджэнні прынялі ўдзел кіраўнікі дзяржаў, урадаў і міністэрстваў замежных спраў больш як 130 краін.

У штаб-кватэры ААН кіраўнік беларускага знешнепалітычнага ведамства правёў сустрэчу са старшынёй Генеральнай асамблеі ААН Марыяй Фернандай Эспіносай Гарсес. Міністр падзяліўся ініцыятывамі, якія Беларусь плануе развіваць на бягучай сесіі. У прыватнасці, праінфармаваў аб правядзенні рэгіянальнага форуму ў Беларусі аб выкананні Парадку дня-2030 і папрасіў падтрымаць ідэю стварэння ў ААН базы даных аб нацыянальных каардынатарах па дасягненні МУР. Старшыня Генасамблеі высока ацаніла ролю Беларусі ў барацьбе з гандлем людзьмі і заклікала Беларусь працягваць развіваць гэту тэму ў міжнародным парадку дня. Субяседнікі абмеркавалі тэматыку падтрымкі краін з сярэднім узроўнем даходу ў ААН, а таксама правядзенне 4 снежня 2018 года ў штаб-кватэры ААН пасяджэння ў падтрымку краін з сярэднім узроўнем даходу, якое ініцыіравала Беларусь.

Кіраўнік знешнепалітычнага ведамства Беларусі правёў таксама сустрэчу з міністрам замежных спраў Судана Альдзірдзіры Махамедам Ахмедам. Бакі закранулі пытанні развіцця гандлёва-эканамічнага супрацоўніцтва з акцэнтам на стварэнне сумесных вытворчасцей на тэрыторыі Судана і дамовіліся аб інвентарызацыі двухбаковых дакументаў, рэалізацыя якіх будзе садзейнічаць вываду адносін на новы ўзровень.

На сустрэчы з міністрам замежных спраў Сірыі Валідам аль-Муалемам абмеркаваны актуальныя пытанні двухбаковага супрацоўніцтва, пацверджана зацікаўленасць у развіцці ўзаемадзеяння ў гандлёва-эканамічнай сферы, медыцыне і адукацыі. Бакі дамовіліся правесці чарговае пасяджэнне міжурадавай камісіі па гандлёва-эканамічным супрацоўніцтве да канца бягучага года. Валід аль-Муалем падзякаваў беларускаму боку за неаднаразовае прадастаўленне гуманітарнай дапамогі і аздараўленне ў Беларусі сірыйскіх дзяцей.

На сустрэчы з намеснікам старшыні кабінета міністраў - міністрам замежных спраў Туркменістана Рашыдам Мерэдавым падкрэслена прыхільнасць бакоў да актыўнай работы па ўзаемадзеянні ў розных галінах, якія ўяўляюць узаемны інтарэс.-0-

Падпісвайцеся на нас у
Twitter
Топ-навіны
Свежыя навіны Беларусі