6 снежня, Санкт-Пецярбург /Міхаіл Маціеўскі - БЕЛТА/. Кіраўнікі дзяржаў - членаў ЕАЭС сёння на саміце ў Санкт-Пецярбургу заснавалі медаль "За ўклад у развіццё Еўразійскага эканамічнага саюза", перадае карэспандэнт БЕЛТА.
Рашэнне аб узнагароджанні грамадзян, якія ўнеслі значны асабісты ўклад у развіццё саюза, будзе прымаць Вышэйшы Еўразійскі эканамічны савет па хадайніцтве аднаго з членаў або члена Савета Еўразійскай эканамічнай камісіі, старшыні Калегіі камісіі, а таксама старшыні Суда ЕАЭС.
Грошы на выраб медалёў будуць выдзяляцца з бюджэту арганізацыі.-0-
