6 лютага, Мінск /Кар. БЕЛТА/. Гандлёва-эканамічнае супрацоўніцтва Беларусі і Лаоса мае патэнцыял для развіцця, заявіў Надзвычайны і Паўнамоцны Пасол Лаоса ў Беларусі па сумяшчальніцтве Сівіенгпхет Пхетварасак. Аб гэтым паведамілі БЕЛТА ў РУП "Нацыянальны цэнтр маркетынгу і кан'юнктуры цэн" Міністэрства замежных спраў.
Сівіенгпхет Пхетварасак уручыў 5 лютага медаль Дружбы Лаоскай Народна-Дэмакратычнай Рэспублікі Надзвычайнаму і Паўнамоцнаму Паслу Беларусі ў В'етнаме і Лаосе па сумяшчальніцтве, дырэктару Нацыянальнага цэнтра маркетынгу і кан'юнктуры цэн Валерыю Садоху. Узнагарода ўручана за яго істотны ўклад ва ўмацаванне беларуска-лаоскіх адносін.
Валерый Садоха выказаў упэўненасць у тым, што далейшае ўзаемадзеянне дзвюх краін будзе змястоўным. "Лаос - краіна цікавая і багатая. Там ёсць значныя запасы карысных выкапняў, такія як золата, волава, медзь. Па экспарце драўніны Лаос лідзіруе ў рэгіёне. Патэнцыял супрацоўніцтва не вычарпаны", - сказаў ён. Сівіенгпхет Пхетварасак падзякаваў беларускаму боку за цёплы прыём і выказаў упэўненасць у тым, што гандлёва-эканамічнае супрацоўніцтва дзвюх краін мае патэнцыял для развіцця.
У час сустрэчы былі абмеркаваны перспектывы развіцця супрацоўніцтва паміж Беларуссю і Лаосам у розных сферах. Лаоскаму боку быў прадстаўлены экспартны патэнцыял Беларусі і комплекс паслуг і магчымасцей Нацыянальнага цэнтра маркетынгу і кан'юнктуры цэн па аказанні садзейнічання кампаніям у развіцці знешнеэканамічнай дзейнасці.-0-