19 кастрычніка, Мінск /Кар. БЕЛТА/. Каля 35 французскіх бізнесменаў пацвердзілі свой удзел у V Беларуска-французскім бізнес-форуме, які пройдзе ў Мінску 25-26 кастрычніка. Аб гэтым паведамляецца ў твітар-акаўнце пасольства Беларусі ў Францыі.
Плануецца прыбыццё дэлегацыі міністэрстваў і ведамстваў Францыі. Усяго чакаецца больш за 90 удзельнікаў, таксама гаворыцца ў паведамленні.
V Беларуска-французскі бізнес-форум пройдзе ў сталічнай гасцініцы "Еўропа". Асноўнымі тэмамі, якія будуць абмяркоўвацца на мерапрыемстве, стануць двухбаковае гандлёвае супрацоўніцтва, інвестыцыі, экспарт і сумесныя праекты. Пасольства запрашае прыняць удзел у форуме прадстаўнікоў зацікаўленых дзелавых колаў Беларусі і Францыі.
Плануецца, што прадстаўнікі французскіх дзелавых колаў 25 кастрычніка наведаюць рэгіёны Беларусі. У той жа дзень будзе праведзены бізнес-форум, а таксама сустрэча з кіраўніцтвам Мінгарвыканкама, перагаворы ў фармаце В2B. У пятніцу, 26 кастрычніка, прадугледжаны прэзентацыі экспартнага патэнцыялу, інвестыцыйнага клімату Беларусі, а таксама французскіх і беларускіх кампаній, маючых паспяховы вопыт рэалізацыі сумесных праектаў. Чакаецца, што ў час бізнес-форуму будзе падпісаны мемарандум аб узаемаразуменні паміж Асацыяцыяй прадпрымальнікаў Францыі і Нацыянальным цэнтрам маркетынгу МЗС Беларусі.-0-
