Поўная версія

Беларусь выбрана ў шэраг органаў Эканамічнага і сацыяльнага савета ААН

Палітыка 20.04.2017 | 19:02

20 красавіка, Мінск /Кар. БЕЛТА/. На арганізацыйнай сесіі Эканамічнага і сацыяльнага савета ААН (ЭКАСАС), якая праходзіць у штаб-кватэры ААН у Нью-Ёрку, адбыліся выбары ў дапаможныя органы ЭКАСАС. Аб гэтым паведамілі БЕЛТА ў прэс-службе Міністэрства замежных спраў Беларусі.

Беларусь была аднагалосна выбрана адразу ў некалькі дапаможных органаў ЭКАСАС: у Выканаўчы савет Дзіцячага фонду ААН (ЮНІСЕФ), Камітэт па праграме і каардынацыі і Камісію сацыяльнага развіцця.

Напярэдадні выбараў кандыдатура Беларусі ва ўсе гэтыя органы была аднагалосна адобрана краінамі Усходнееўрапейскай рэгіянальнай групы.

"Аднагалоснае выбранне Беларусі ў гэтыя органы сведчыць аб высокім узроўні даверу членаў ЭКАСАС да краіны і яе аўтарытэту на міжнароднай арэне", - лічаць у прэс-службе МЗС.

Там таксама растлумачылі, што Выканаўчы савет ЮНІСЕФ з'яўляецца кіруючым органам фонду, які праводзіць агляд дзейнасці ЮНІСЕФ, зацвярджае яго палітыку і бюджэт, прымае краінавыя праграмы. У склад савета ўваходзяць 36 краін, якія прадстаўляюць пяць рэгіянальных груп дзяржаў - членаў ААН.

Камітэт ААН па праграме і каардынацыі вывучае ход выканання праграм ААН, дае ацэнку дасягнутым вынікам, робіць прапановы па праграмна-бюджэтнай дзейнасці арганізацыі. У камітэт уваходзіць 31 дзяржава - член ААН.

Камісія сацыяльнага развіцця - каардынатар міжнароднага супрацоўніцтва ў сацыяльнай сферы, кансультуе ЭКАСАС па пытаннях сацыяльнай палітыкі агульнага характару і па ўсіх пытаннях у сацыяльнай галіне, якія не ахоплены спецыялізаванымі ўстановамі ААН. У склад камісіі ўваходзяць 46 дзяржаў - членаў ААН.-0-

Навіны рубрыкі Палітыка
Жан-Філіп Базуль і Міхаіл Мясніковіч Мясніковіч заклікае СЕ развіваць дыялог у інтарэсах Еўропы і Беларусі
15:28
Адбылася тэлефонная размова паміж прэм'ер-міністрам Беларусі і в.а. прэм'ер-міністра Арменіі
12:58
Пасол Беларусі ў Вялікабрытаніі Алейнік удастоены ў Лондане ўзнагароды "Дыпламат года"
Учора 19:56
Каардынацыйная група ЕС-Беларусь правядзе пасяджэнне ў Беларусі
Учора 19:40
У Пасланні Прэзідэнта прапанаваны шляхі развіцця эканомікі і грамадзянскай супольнасці - Мясніковіч
Учора 17:34
Адкрылася сумеснае пасяджэнне Палаты прадстаўнікоў і Савета Рэспублікі Нацыянальнага сходу Беларусі
Учора 10:46
Фота з архіва Пасольства Беларусі ў Аўстраліі ў жніўні спыніць сваю работу
23 красавіка, 19:57
Лебедзеў: захаванне членства Украіны ў СНД адпавядае інтарэсам яе народа
23 красавіка, 18:41
У Беларусі шчыра вітаюць рашэнне ўзбекскага боку аб адкрыцці пасольства ў Мінску - Макей
23 красавіка, 13:39
Поўная версія