Сцяг Пятніца, 29 сакавіка 2024
Усе навіны
Усе навіны
Палітыка
04 кастрычніка 2018, 15:38

Беларусь разлічвае паставіць кропку ў дыскусіі з Літвой па АЭС на сесіі Канвенцыі Эспа ў лютым

4 кастрычніка, Мінск /Кар. БЕЛТА/. Беларусь разлічвае паставіць кропку ў дыскусіі з Літвой па пытаннях будаўніцтва АЭС на чарговай сесіі Нарады бакоў Канвенцыі Эспа, якая адбудзецца ў лютым 2019 года ў Жэневе. Аб гэтым паведаміла сёння журналістам першы намеснік міністра прыродных рэсурсаў і аховы навакольнага асяроддзя Беларусі Ія Малкіна ў прэс-цэнтры БЕЛТА.

"Нягледзячы на праблемныя пытанні, ёсць пэўнае разуменне на ўзроўні экспертнай супольнасці тых працэсаў, якія адбываюцца, і мы спадзяёмся, што маючая адбыцца ў лютым 2019 года чарговая сесія Нарады бакоў Канвенцыі Эспа паставіць усё ж такі кропку ў гэтым пытанні", - сказала Ія Малкіна, адказваючы на пытанне аб дыялогу з літоўскім бокам па будаўніцтве АЭС у Астраўцы.

Паводле яе слоў, Беларусь сёння сканцэнтравана ў першую чаргу на выкананні рэкамендацый, якія былі дадзены абодвум бакам у рамках сесіі Нарады бакоў Канвенцыі Эспа ў 2014 годзе, яны разглядаюцца ў якасці асноў для далейшага двухбаковага супрацоўніцтва. "У цэлым хацелася б адзначыць, што за 2017 год і першую палову 2018 года ў значнай ступені мы рушылі наперад па тэматыцы інфармавання нашых еўрапейскіх калег, суседзяў аб тым працэсе, які адбываецца на тэрыторыі Беларусі (у плане будаўніцтва БелАЭС. - Заўвага БЕЛТА)", - адзначыла першы намеснік міністра.

Ія Малкіна паведаміла, што Беларусь і Літва адмовіліся ад фармату двухбаковых перагавораў, бачачы, што прыцягненне экспертаў з боку міжнародных кампетэнтных арганізацый з'яўляецца найбольш прагрэсіўным і прадукцыйным механізмам узаемадзеяння для пошуку прагрэсу.

Эксперты Беларусі і Літвы прадаўжаюць сумесную работу па падрыхтоўцы праекта двухбаковага міжурадавага пагаднення па ажыццяўленні Канвенцыі Эспа. "Гэта двухбаковы міждзяржаўны дагавор, па ім у нас ёсць пэўны прагрэс. У чэрвені 2018 года адбылася чарговая сустрэча экспертаў, і мы плануем да канца лістапада гэтага года правесці яшчэ адну сустрэчу, якая, як нам здаецца, дасць магчымасць падысці да стадыі ўнутрыдзяржаўных працэдур узгаднення", - растлумачыла Ія Малкіна.

Беларуская АЭС будуецца па расійскім праекце з рэактарамі ВВЭР-1200 каля Астраўца (Гродзенская вобласць). Першы энергаблок плануецца ўвесці ў эксплуатацыю ў 2019 годзе, другі - у 2020-м. Першая пастаўка ядзернага паліва на станцыю запланавана да канца 2018 года.-0-

Падпісвайцеся на нас у
Twitter
Топ-навіны
Свежыя навіны Беларусі