20 чэрвеня, Мінск /Кар. БЕЛТА/. Беларусь плануе пашыраць сувязі з франкамоўнымі рэгіёнамі Швейцарыі. Перспектывы развіцця ўзаемаадносін абмяркоўваліся ў час рабочага візіту ў Швейцарыю намесніка міністра замежных спраў Беларусі Яўгена Шэстакова, паведамілі БЕЛТА ў прэс-службе МЗС.
19 чэрвеня Яўген Шэстакоў правёў сустрэчу з прадстаўнікамі дзелавых колаў і ўлад швейцарскіх кантонаў Во і Фрыбур у Лазане. У час перагавораў абмяркоўваліся перспектывы пашырэння сувязей з улікам плануемага адкрыцця Ганаровага консульства Беларусі ў Лазане.
Намеснік міністра замежных спраў Беларусі прыбыў у Лазану для ўдзелу ў дзясятым пасяджэнні Беларуска-швейцарскага сумеснага камітэта па гандлі і эканамічным супрацоўніцтве.-0-
