20 лютага, Масква /Эдуард Півавар - БЕЛТА/. Беларусь і Перу зацікаўлены ў інтэнсіфікацыі ўзаемадзеяння паміж міністэрствамі. Аб гэтым было заяўлена на праведзенай сёння ў Маскве сустрэчы Надзвычайнага і Паўнамоцнага Пасла Беларусі ў Расіі Ігара Петрышэнкі і Надзвычайнага і Паўнамоцнага Пасла Перу ў РФ Луіса Бенхаміна Чымой Артэага, паведамілі БЕЛТА ў прэс-службе беларускай дыпмісіі.
"Адбыўся зацікаўлены абмен думкамі па пытаннях актывізацыі беларуска-перуанскага супрацоўніцтва ў палітычнай, гандлёва-эканамічнай, адукацыйнай сферах, - праінфармавалі ў прэс-службе. - Адзначана ўзаемная зацікаўленасць у інтэнсіфікацыі ўзаемадзеяння паміж міністэрствамі замежных спраў, пашырэнні дагаворна-прававой базы двухбаковых адносін".
Дыпламатычныя адносіны паміж Беларуссю і Перу ўстаноўлены 19 лютага 1997 года. Па выніках 2016 года аб'ём двухбаковага тавараабароту склаў $10,1 млн.-0-
