7 лютага, Мінск /Кар. БЕЛТА/. Пасол Беларусі ў Расіі Ігар Петрышэнка правёў 6 лютага ў Маскве сустрэчу з паслом Нігерыі ў Расіі і Беларусі па сумяшчальніцтве Стывам Дэвісам Угбам, паведамілі БЕЛТА ў прэс-службе МЗС.
Бакі абмеркавалі стан і перспектывы развіцця беларуска-нігерыйскага супрацоўніцтва. Асаблівая ўвага была ўдзелена пытанням развіцця дагаворна-прававой базы двухбаковых адносін.
Дыпламатычныя адносіны паміж краінамі ўстаноўлены 3 жніўня 1992 года. Аб'ём тавараабароту па выніках 2017 года склаў $27 млн.-0-