17 жніўня, Масква /Эдуард Півавар - БЕЛТА/. Беларусь і Мексіка маюць намер пашыраць дагаворна-прававую базу двухбаковых адносін. Аб гэтым БЕЛТА паведамілі ў прэс-службе пасольства Беларусі ў Расіі па выніках праведзенай сёння ў Маскве сустрэчы Надзвычайнага і Паўнамоцнага Пасла Беларусі ў Расіі Ігара Петрышэнкі з Надзвычайным і Паўнамоцным Паслом Мексіканскіх Злучаных Штатаў у РФ Нормай Пенсада Марэна.
"Бакі абмеркавалі пытанні развіцця беларуска-мексіканскага супрацоўніцтва ў палітычнай і гандлёва-эканамічнай сферах, шляхі актывізацыі дыялогу паміж міністэрствамі замежных спраў і міжпарламенцкага ўзаемадзеяння, пашырэння дагаворна-прававой базы двухбаковых адносін", - адзначылі ў прэс-службе.
Дыпламатычныя адносіны паміж Беларуссю і Мексікай устаноўлены ў студзені 1992 года. Па выніках 2016 года аб'ём двухбаковага тавараабароту склаў $26,4 млн.-0-
