20 красавіка, Мінск /Кар. БЕЛТА/. У Нацыянальным цэнтры маркетынгу і кан'юнктуры цэн прайшла сустрэча дырэктара цэнтра Валерыя Садохі з дэлегацыяй Амана на чале з выконваючым абавязкі намесніка міністра замежных спраў па дыпламатычных пытаннях Махамедам аль-Хасанам, паведамілі БЕЛТА ў прэс-службе знешнепалітычнага ведамства.
Абмяркоўваліся пытанні развіцця двухбаковага гандлёва-эканамічнага супрацоўніцтва з акцэнтам на ўзаемадзеянне ў сферах інфармацыйных і іншых тэхналогій, інавацый, а таксама абмену спецыялістамі. Пасля азнаямлення з магчымасцямі НЦМіКЦ па падтрымцы сумесных праектаў аманскі бок выказаў зацікаўленасць у прыцягненні цэнтра да арганізацыі візітаў дзелавых колаў Амана ў Беларусь.
Бакі дасягнулі дамоўленасці аб прапрацоўцы гэтага і іншых перспектыўных напрамкаў супрацоўніцтва, уключаючы сумесную падрыхтоўку запланаванага да выдання ў 2019 годзе асобнага нумара часопіса "Конъюнктура рынков", прысвечанага Аману.-0-
