19 красавіка, Мінск /Кар. БЕЛТА/. "Белая Русь" накіравала ў ЦВК прапановы па ўдасканаленні парадку падрыхтоўкі і правядзення выбараў, паведамілі БЕЛТА ў грамадскім аб'яднанні.
Прапановы закранулі пытанні фарміравання выбарчых фондаў кандыдатаў, працэдуры збору і праверкі подпісаў, неабходных для рэгістрацыі кандыдатам у дэпутаты, працэдуры забеспячэння захаванасці урнаў для датэрміновага галасавання, таксама ўнесена ініцыятыва стварэння роўных шляхоў вылучэння для ўсіх прэтэндэнтаў на дэпутацкі мандат.
"Падставай для падрыхтоўкі дакумента стаў 10-гадовы вопыт удзелу актыву аб'яднання ў нацыянальных выбарчых кампаніях рознага ўзроўню", - адзначылі ў РГА "Белая Русь".-0-