15 ліпеня, Мінск /Кар. БЕЛТА/. Адносіны Беларусі і Швейцарыі выйшлі на якасна новы ўзровень. Такое меркаванне выказаў першы намеснік прэм'ер-міністра Беларусі Аляксандр Турчын на сустрэчы з сустаршынёй парламенцкай групы дружбы Беларусь-Швейцарыя Маргарэт Кінер Нелен, перадае карэспандэнт БЕЛТА.
"Беларуска-швейцарскія адносіны знаходзяцца на вельмі высокім узроўні, і ў гэтым вялікая ваша заслуга. Вы правялі вялікую работу, і адносіны выйшлі на якасна новы ўзровень", - адзначыў Аляксандр Турчын.
Першы віцэ-прэм'ер выказаў упэўненасць, што актыўныя кантакты краін прадоўжацца, і гэтаму будзе садзейнічаць у тым ліку павышэнне ўзроўню дыппрадстаўніцтва Швейцарыі ў Беларусі да пасольства.
"На мой погляд, у нас добрыя перспектывы ўзаемнага супрацоўніцтва, і шэраг двухбаковых мерапрыемстваў мы плануем правесці да канца гэтага года", - дадаў Аляксандр Турчын.
Маргарэт Кінер Нелен у сваю чаргу адзначыла, што адносіны Беларусі і Швейцарыі значна палепшыліся. "Наперадзе яшчэ шмат крокаў, якія мы маглі б зрабіць", - лічыць яна.-0-